ბოლო ეპიზოდიდან გავიგეთ, რომ კლაუსი ვამპირიცაა და მაქციაც, ანუ ის ჰიბრიდია, როგორც ელაიჯამ თქვა. ეს ზებუნებრივი ადამიანი აშკარად ძალაუფლების მოყვარულია, მაგრამ მისდა სამწუხაროდ კუდიანები ვერ დაუშვებდნენ ბუნების ასეთ უსწორმასწორობას და მათ წყევლა დაადეს კლაუსს, რითაც გამოკეტეს მისი მაქციური ნაწილი (მადლობა ღმერთს). აი უკვე 1000 წელზე მეტია ჩვენი თან უძლიერესი ორიგინალი და თან "მგელი" ცდილობს განთავისუფლდეს და გახდეს კიდევ უფრო უძლეველი (მით უმეტეს რომ ეხლაც უძლეველია). გაინტერესებთ როგორაა კლაუსი ჰიბრიდი ?? ელაიჯა და ის ძმები არიან, მაგრამ მათ მხოლოდ დედა ყავთ საერთო. დედა ღალატობდა თავის ქმარს და ამის შედეგად დაიბადა კლაუსი. როგორც კი მამამ ეს გაიგო იმ კაცის მთელი ოჯახი ამოხოცა და თან გაირკვა, რომ ისინი მაქციები იყვნენ (სწორედ ამ ამბიდან დაიწყო ვამპირებისა და მაქციების საუკუნოვანი მტრობა). ასე რომ კლაუსში ორი ზებუნებრივის სისხლი ჩქეფს. არც "მზისა და მთვარის" წყევლა არსებობს, ეს ძმების მოგონილია, რათა მათ უფრო ადვილად ეპოვათ კლონი და მთვარის ქვა. ახლა ვნახოთ რა სჭირდება ჰიბრიდს გასათავისუფლებლად:
მთვარის ქვა: ეს მას უკვე აქვს
კუდიანები: სამწუხაროდ კლაუსს მათი მთელი ჯგუფი ჰყავს
კლონი: ჯერ-ჯერობით ელენა არ ჰყავს, მაგრამ მან იცის როგორ უნდა მიიღოს როცა დასჭირდება
სავსე მთვარე: ყოველთვიურად დგება
გამოდის რომ ამ ორიგინალისთვის მსხვერპლშეწირვის რიტუალის ჩატარება ძალიან ადვილია და თუ ის ნამდვილად გახდა ჰიბრიდი, მაშინ საფრთხე ემუქრებათ ყველას, ვამპირებისა და სხვა ზებუნებრივების ჩათვლით. თქვენი აზრით ზუსტად რას ნიშნავს გახდე ვამპირ-მაქცია ?? რა ძალები დაემატება მას თავისი მაქციური ნაწილის განთავისუფლებით რაც არ აქვს ორიგინალ ვამპირს ?? შეძლებს ის გახდეს ჰიბრიდი თუ სიკეთე გაიმარჯვებს ?? რას ფიქრობთ თქვენ !!
